Planleggar - 100% fast
Vi søkjer
Brenn du for samfunnsutvikling og berekraftig verdiskaping?
Til Avdeling byggesak og geodata i Sektor Samfunnsutvikling søkjer vi etter planleggar til kommunen sitt plankontor. Plankontoret har ansvar for:
- Utarbeiding av kommunale detaljreguleringsplanar
- Behandling av private og offentlege forslag til reguleringsplanar
- Delta i utvikling, utarbeiding og oppfølging av utbyggingsavtalar
- Planfagleg bistand til andre delar av organisasjonen
- Representasjon internt og eksternt innafor ansvarsområda
- Rapportering på status, framdrift og økonomi i plankontoret si portefølje
- Utvikling, oppdatering og vedlikehald av kommunen sine løysingar for plankart, plandatabasar og informasjonskanalar og system for planlegging
- Bidra i oversikts- og temaplanlegging, kartlegging og analyse etter behov
Arbeidsstaden er for tida Kvinnherad rådhus, Rosendal.
Sentrale arbeidsoppgåver vil vere:
- Kontakt, medverknad og samarbeid med lokalt næringsliv, organisasjonar og andre aktørar og myndigheiter for saksbehandling av private og offentlege reguleringsplanar
- Delta i prosessar med utvikling av det kommunale planverket
- Vurdere, rettleie om og sakshandsame reguleringsplanar med fagleg støtte frå kompetente kollegaer
- Utarbeide detaljreguleringsplanar
- Kulturminnefaglege uttaler til arealforvaltninga
- Tett samarbeid og koordinering med andre tenesteområde i kommunen
- Førebuing, gjennomføring og oppfølging av politiske vedtak
- Planlegging, koordinering og gjennomføring av politiske prosessar
- Utgreiingsarbeid og prosjektleiing
- Arbeid med rammeavtalar, avrop, anbodsutlysing og -oppfølging
Kven er du?
Vi er opptekne av dette og håper du kan krysse av på dei fleste punkta:
- Du har god fagleg tyngde og engasjement, og du trivs godt i lag med andre og likar å jobbe i team
- Nysgjerrig og intitativrik
- God kjennskap til plan- og bygningslova med tilknytta lover og forskrifter, og til politiske prosessar
- God på tverrfagleg samarbeid og flink til å finna løysingar i fellesskap med andre
- Gode framstillingsevner, både skriftleg og munnleg
- Det er ønskeleg med praktisk erfaring og god kjennskap til relevante GIS-verktøy
- Forståing for økonomihandtering
- Relevant utdanning frå universitet/høgskule
- Erfaring med planfagleg arbeid, leiing og prosjektstyring
- Evnar å motivera og inspirere kollegaer og samarbeidspartnarar
Eigenskapar og ferdigheiter elles som er ønskt og som blir vurdert ved tilsetting er:
Du er entusiastisk og kontaktskapande, og trivst like godt med å lytta som å formidla. Du er oppteken av å løfta fram felles resultat, og er fleksibel i val av løysingar. Andre sine meiningar er viktige for deg, og du legg til rette for at dei skal koma fram. Kreativitet og samarbeid kjenneteiknar arbeidet ditt, og motivasjonen aukar i motgang. Du har god kjennskap til FN sine berekraftsmål og har klåre tankar om korleis samfunnet kan gjennomføre det grøne skiftet. Du er interessert i å utvikla bruken av digitale verktøy, og likar hektiske dagar og korte fristar. Førarkort og tilgang til privatbil er naudsynt.
Vi tilbyr
- Tilsetjing skjer etter gjeldande vilkår for kommunale arbeidstakarar i samsvar med HTA og AML.
- Pensjonsordning, ulykkes- og gruppelivsforsikring gjennom KLP.
- Kvinnherad kommune er ei IA-verksemd.
- Gode arbeidstilhøve i eit godt arbeidsmiljø.
- Dekning av flytteutgifter etter nærare reglar
- Gratis SFO
- Maksprisar i barnehage
- Inga eigedomsskatt
Del på:
Fylke:
- Vestland
Jobbtype:
Fast
Heiltid/Deltid:
Heiltid
Arbeidstid:
Dag
Søknadsfrist:
24.05.2024
Tiltreding:
Snarast
Heimeside:
http://www.kvinnherad.kommune.noAdresse:
Rosendalsvegen 10 5470 Rosendal