Serviceteknikar ved Hjelpemiddellageret

Omtale av stillinga

Kvinnherad kommune søkjer etter ringevikar til Hjelpemiddellageret. Som ringevikar vil du verta kontaka om vi av ulike årsaker har fråvere som sjukdom, ferieavvikling og liknande.

Som serviceteknikar tek du del i hjelpemiddelformidling lokalt. Ein typisk arbeidsdag består vanlegvis i utkøyring og montering av hjelpemidlar, mindre reperasjonar, utpakking av innkomne varer, reinhald av innleverte hjelpemiddel og liknande. Du som av ein eller anna årsak har ekstra tid og som likar å ta i eit tak, vere fysisk aktiv og ha ein variert arbeidsdag passar perfekt for oss! For å nå fram i vår langstrakte kommune vert det ein god del timar i bil,  så trivst du med å køyre bil kan det vere ein fordel.

Du får opplæring og det kan vere føremålstenleg å ta deg fast inn i ein kortare periode for å setje deg inn i arbeidsoppgåvene. Oppmøtestad er Dimmelsvik.

Arbeidsoppgåver 

• Utkøyring, montering og service/reperasjonar av hjelpemiddel 
• Reinhald av hjelpemiddel
• Halde lageret ryddig og organisert

Kvalifikasjonar og erfaring

• Interesse for og basiskunnskap i praktisk arbeid (reparasjonar ol.) vil vere ein fordel. Har du til dømes ein liten hobbymekaniker i deg kan det vere eit godt utgangspunkt.
• God fysisk helse, det kan verta nokre tunge løft
• Førarkort klasse B, fordel med BE
• Godt norsk språk

Personlege eigenskapar

• Sjølvstendig, men likar å samarbeide med andre
• Nysgjerrig, engasjert og med evne til å jobbe strukturert