Helsesjukepleiar 50% vikariat

Eining Barn og familie - er ei av 21 einingar i sektor oppvekst. Eininga er delt inn i fem avdelingar: barnevern, helsestasjon, PPT, avdeling for Familiestøtte, Villatoppen Avlastningsbustad og Butiltak for barn og unge. Eininga held til i lokalar i Husnes tenestesenter på Husnes

Omtale av stillinga:

Ved helsestasjonen i Kvinnherad er det ledig 50% vikariat som helsesjukepleiar i skulehelsetenesta med oppstart 01.08.25. Vikariatet gjeld fram tom. 31.07.26 med mogleg forlenging.

Ved skule- og helsestasjonstenesta i Kvinnherad er det for tida 9,5 helsesjukepleiarstillingar, i tillegg 2,2 jordmorstillingar knytt til helsestasjonen.

Arbeidsoppgåver:

Hovudarbeidsoppgåver for stillinga:

• Førebyggande og helsefremjande arbeid i helsestasjon og skule
• Gjennomføring av helsedirektoratet sitt anbefala program for helsestasjon og skulehelsetenesta
• Barnevaksinasjonsprogrammet
• Samtalar med barn og føresette
• Tverrfagleg samarbeid med skular og andre hjelpeinstansar
• Koordinator for familiar som har barn med behov for koordinerte tenester

 Kvalifikasjonar:

Vi søkjer etter medarbeidar med helsesjukepleiarutdanning eller sjukepleiar med anna relevant utdanning. 

Det blir lagt vekt på relevant erfaring og personlege eigenskapar som;

• Ynskjeleg med erfaring frå skule- og helsestasjonsteneste
• God samarbeidsevne og god kommunikasjon
• At ein kan arbeide sjølvstendig og at ein er eigna for arbeid med foreldre, barn og ungdom
• Løysingsorientert, målretta og strukturert
• Evne til fleksibilitet og endringsvilje og kunne takle uforutsette situasjonar
• Evne til å bidra til eit godt arbeidsmiljø
• Krev gode norskkunnskapar
• God skriftleg og munnleg framstillingsevne
• God digital kompetanse

Den som vert tilsett må ha sertifikat og disponere bil.

 Vi tilbyr

• Tilsetjing skjer etter gjeldande vilkår for kommunale arbeidstakarar i samsvar med HTA og AML.
• Pensjonsordning, ulykkes- og gruppelivsforsikring gjennom KLP.
• Gode arbeidstilhøve i eit godt arbeidsmiljø.
• Ei utfordrande og sjølvstendig stilling.
• Dekning av flytteutgifter etter nærare reglar.
• Bur du i Kvinnherad og er i jobb, kan du etter eitt år få sletta 25 000 kroner av studielånet.
• Ingen eigedomsskatt pr idag for hus, hytter og næring.
• Gratis SFO og søskenmoderasjon i barnehagen 

 Det er krav om gyldig politiattest før du tiltrer i stillinga. Kravet er heimla i lov om barnevern § 12-11, opplæringslova § 17-11, lov om barnehagar § 30, Helsepersonellova § 20 og helse- og omsorgstjenesteloven § 5-4.