Ferievikariat Hjelpemiddellageret

Omtale av stillinga

Kvinnherad kommune søkjer etter vikar til Hjelpemiddellageret i sommar. Grunna opplæring er det trong for nokon som kan starte opp i stillinga snarleg og søkjarar vil kunne bli kontakta fortløpande. Vikariat er aktuelt frå og med midten av mai og ut sommaren. Det kan også bli aktuelt å bli nytta som ringevikar i perioden etter.

Som serviceteknikar tek du del i hjelpemiddelformidling lokalt. Ein typisk arbeidsdag består vanlegvis i utkøyring og montering av hjelpemidlar, mindre reparasjoner, utpakking av innkomne varer, reinhald av innleverte hjelpemiddel og liknande. Du som av ein eller anna årsak har ekstra tid og som likar å ta i eit tak, vere fysisk aktiv og ha ein variert arbeidsdag passar perfekt for oss!

Oppmøtestad er Dimmelsvik.

Arbeidsoppgåver 

• Utkøyring, montering og service/reperasjonar av hjelpemiddel 
• Reinhald av hjelpemiddel
• Halde lageret ryddig og organisert

Kvalifikasjonar og erfaring

• Interesse for og basiskunnskap i praktisk arbeid (reparasjonar ol.) vil vere ein fordel. Har du til dømes ein liten hobbymekaniker i deg kan det vere eit godt utgangspunkt.
• Erfaring i liknande type oppgåver
• God fysisk helse, det kan verta nokre tunge løft
• Førarkort klasse B, fordel med BE
• Godt norsk språk

Personlege eigenskapar

• Sjølvstendig, men likar å samarbeide med andre
• Ryddig og strukturert
• Gode kommunikasjons- og samarbeidsevner
• Personlege eigenskapar vert vektlagt ved tilsetjing.

 Vi tilbyr:

• Tilsetjing skjer etter gjeldande vilkår for kommunale arbeidstakarar i samsvar med HTA og AML
• Pensjonsordning, ulykkes- og gruppelivsforsikring gjennom KLP
• Kvinnherad kommune er ei IA-verksemd
• Gode arbeidstilhøve i eit godt arbeidsmiljø