Kvinnherad kommune Rus og psykiske helsetenester

Trivselvaktmeister - 2 x 100 % stilling

Trivselvaktmeister

Vil du vere med å skapa trivsel og tryggleik for menneske som treng det mest? 

 
Vil du vere ein kvardagshelt i arbeidskle? 

Er du typen som fiksar ting før folk rekk å spørje? Som kan få både lyspærer og folk til å lyse opp? Ser du på deg sjølv som ein «handyman» med eit varmt hjarte og glimt i auga? 

Då bør du lesa vidare – for me har to spanande stillingar for deg! 

Kvinnherad kommune har to ledige prosjektstillingar som trivselvaktmeisterar. Stillingane er organisert under rus og psykiske helsetenester, men du vil arbeida på tvers av avdelingar og sektorar. Målgruppa er menneske med rusutfordringar og/eller psykiske lidingar. 

Stillingane er prosjektbaserte og kan ha ei varigheit på inntil 4 år, med moglegheit for forlenging. Det må påreknast noko ettermiddagsarbeid. 

 

Arbeidsoppgåver: 

  • Bistå ved inn- og utflytting i kommunale bustader 

  • Enkelt reinhald og rydding i og rundt bustader saman med brukar  

  • Brannsikring og tilsyn med tekniske installasjonar 

  • Utføra småreparasjonar og praktiske oppgåver 

  • Miljøarbeid, bidra til trivsel og tryggleik i bumiljøa 

  • Råd og rettleiing til brukara som treng hjelp til å meistra å bu  

  • Samarbeida tett med fagpersonell og andre kommunale tenester 

 

Kvalifikasjonar: 

  • Praktisk erfaring frå liknande arbeid er ein fordel 

  • Gode samarbeidsevner og evne til å arbeida sjølvstendig 

  • Evne til å skapa tillit og tryggleik i møte med menneske i sårbare livssituasjonar 

  • Førarkort klasse B , ønskeleg med BE 

 

Personlege eigenskapar: 

  • Du er løysingsorientert, påliteleg og har eit inkluderande menneskesyn 

  • Du trivst med varierte arbeidsdagar og har god evne til å tilpassa deg ulike situasjonar 

  • Du har eit hjarte for menneske og ønskjer å bidra til eit betre kvardagsliv for andre 

  • Høg relasjonskompetanse  

 

Dette får du: 

  • Eit meiningsfullt arbeid der du verkeleg gjer ein forskjell 

  • Varierte dagar – ingen dag er lik 

  • Moglegheit til å vere med å forme ei ny rolle 

  • Ein kommune som satsar på menneske, både tilsette og brukarar 

  • Kollegaer som ser deg og heiar på deg 

  • Fleksibel arbeidstid 

  • Tilsetjing skjer etter gjeldande vilkår for kommunale arbeidstakarar i samsvar med HTA og AML. 

  • Pensjonsordning, ulykkes- og gruppelivsforsikring gjennom KLP. 

  • Dekning av flytteutgifter etter nærare reglar. 

  • Bur du i Kvinnherad og er i jobb, kan du etter eitt år få sletta 25 000 kroner av studielånet. 

  • Ingen eigedomsskatt pr idag for hus, hytter og næring. 

  • Gratis SFO og søskenmoderasjon i barnehagen 

Attende til jobblista Skriv ut

Del på:

Jobbtype:

Fast

Heiltid/Deltid:

Heiltid

Arbeidstid:

Dag

Søknadsfrist:

31.05.2025

Kontaktpersonar:

Hanne Dale

Stilling: Avdelingsleiar

mob: +47 93649008

Linn Stene Hellås

mob: +47 95960651

Heimeside:

http://www.kvinnherad.kommune.no

Adresse:

Rosendalsvegen 10 5470 Rosendal

Kart: