Ungdomsarbeidar halvårsvikariat
Halvårsvikariat som ungdomsarbeidar – Ungdomsbasane i Kvinnherad!
Har du hjarte for ungdom, brenn du for trygge møteplassar – og trivst du i ein kreativ, leiken og meningsfull kvardag? Me ønskjer snarleg tilsetjing og dette kan vere jobben for deg!
Kvinnherad kommune søkjer no to engasjerte ungdomsarbeidarar i 6‑månaders vikariat:
- 40 % – Ungdomsbase Nord - oppmøtestad Rosendal
- 60 % – Ungdomsbase Sør - oppmøtestad Husnes
Om stillinga
Ungdomsteamet i Kvinnherad består av ungdomsarbeidarar, ungdomslosar og utekontaktar som jobbar saman for å skape gode, trygge og rusfrie arenaer for ungdom.
Som ungdomsarbeidar vil du:
- vere med å skape inkluderande og trygge møteplassar – både i og utanfor ungdomsbasane
- samarbeide tett med ungdomane om aktivitetar, arrangement og utvikling av tilbodet
- bidra i oppfølging av ungdom ved behov, i samarbeid med utekontakt, ungdomslosar og andre tenester
- vere ein viktig vaksenperson som set trygge, tydelege og varme grenser
- samarbeide med politi, barnevern, skule, helsestasjon m.fl. når situasjonen krev det
Arbeidstida er i hovudsak ettermiddag og kveld, med noko tid til planlegging og møteverksemd. På ungdomsbasane er det alltid minst to tilsette som driftar tilbodet i lag.
Me søkjer deg som:
- har ei utdanning innan helse- og sosialfag, men me ønskjer òg søkjarar med relevant erfaring eller annan bakgrunn
- har eit ekte engasjement for ungdom – og gjerne erfaring frå ungdomsarbeid eller drift av ungdomsklubb
- er trygg, tydeleg og god på relasjonar
- kommuniserer godt og samarbeider godt
- er empatisk, inkluderande og ikkje-dømande
- klarer å sjå ungdommane sine perspektiv
- er kreativ, leiken og løysingsorientert
Personlege eigenskapar vert vektlagde sterkt.
Hos oss får du:
- ein meiningsfull kvardag der du gjer ein forskjell for ungdom i lokalmiljøet
- høve til å vere med å utvikle framtidas ungdomsarbeid i Kvinnherad
- gode kollegaer i eit tverrfagleg ungdomsteam
- tilsetjing etter gjeldande vilkår for kommunale arbeidstakarar (HTA/AML)
- pensjonsordning, ulykkes- og gruppelivsforsikring gjennom KLP
- ein arbeidsplass i ei IA‑verksemd
Gyldig politiattest må leggast fram før tiltreding.
Vil du vere med og skape trygge, gode og inspirerande møteplassar for ungdom i Kvinnherad?
Då vil me gjerne høyre frå deg!
Del på:
Fylke:
- Vestland
Jobbtype:
Ekstrahjelp
Sesong
Vikariat
Heiltid/Deltid:
Deltid
Arbeidstid:
Skift/turnus
Søknadsfrist:
19.02.2026
Tiltreding:
Snarleg tilsetting
Arbeidsstad:
Ungdomsbase Nord og Sør
Kontaktpersonar:
Heimeside:
http://www.kvinnherad.kommune.noAdresse:
Sentrumsvegen 29 5460 Husnes