Sjukepleiar 3x100% fast stilling Husnestunet

Sjukepleiarar – fleire ledige stillingar på Husnestunet

Husnestunet institusjon har no fleire ledige sjukepleiarstillingar som følgje av at nokre av våre dyktige medarbeidarar går av med pensjon, og fleire skal ut i svangerskapspermisjon. Vi søker derfor engasjerte og fagleg sterke sjukepleiarar som ønskjer å vere med og skape tryggleik, kvalitet og gode pasientforløp.

Vi har ledige stillingar i fleire avdelingar:

• Samhandlingsavdelinga – korttid med KAD/ØH‑senger
• Korttid- og rehabiliteringsavdelinga
• To demensavdelingar

Uavhengig av avdeling blir du ein viktig del av ein kompetent og dedikert fagstab som arbeider tverrfagleg og målretta for å gi pasientane best mogleg behandling og omsorg.

Om avdelingane

Samhandlingsavdelinga (korttid med KAD/ØH)

Avdelinga har to senger for kommunal akutt døgnplass og ein stor rullering av pasientar. Her får du ein variert og fagleg utfordrande arbeidskvardag med tett samarbeid med lege, ergoterapeutar, fysioterapeutar og heimetenesta. Vi nyttar ulike vurderings- og kartleggingsverktøy, og du får god opplæring og støtte i desse.

Korttid- og rehabiliteringsavdelinga

Avdelinga jobbar målretta med rehabilitering, trening og funksjonsfremjande tiltak. Her får du bidra aktivt i å planlegge, gjennomføre og evaluere behandlingsløp som gir pasientane betre funksjon og meistring.

Demensavdelingane

I våre to demensavdelingar jobbar vi med personsentrert omsorg, miljøterapeutiske tiltak og tett involvering av pårørande. Her treng vi sjukepleiarar som skaper tryggleik, struktur og gode relasjonar – og som brenn for omsorga rundt menneske med demens.

Det er tett samarbeid på tvers av alle avdelingar, og kompetansen blir nytta der behovet er størst.

Arbeidsoppgåver

(tilpassast noko etter avdeling)

• Sjukepleiefagleg vurdering, behandling og oppfølging
• Samarbeid med lege og anna tverrfagleg personell
• Bruk av kliniske kartleggings- og vurderingsverktøy
• Planlegging, gjennomføring og evaluering av tiltak
• Ivaretaking av pasientar med akutte og komplekse behov
• Samhandling med og rettleiing av pasientar og pårørande
• Medikamenthandtering og dokumentasjon
• Rettleiing av kollegaer, studentar og lærlingar
• Bruk og vidareutvikling av velferdsteknologi
• Bidra til fleksibel ressursbruk på tvers av avdelingar

Kvalifikasjonar

• Autorisasjon som sjukepleiar
• Gode norskkunnskapar, skriftleg og munnleg
• God IT‑kompetanse (journalsystem, Word, Excel, Teams)
• Gjerne erfaring frå korttid, rehabilitering, demensomsorg eller psykisk helse
• Interesse for personsentrert omsorg og miljøterapeutisk arbeid
• Evne til å jobbe sjølvstendig og strukturert
• Trygg og tydeleg kommunikator
• Gode samarbeidsevner og eit løysingsorientert tankesett
• Interesse for fagutvikling og ny teknologi
• Personleg eignaheit vil bli vektlagd

Vi tilbyr

• Ein arbeidsplass med høg fagleg kompetanse
• Eit inkluderande, varmt og engasjert arbeidsmiljø
• Moglegheit for kompetansestipend og kurs
• Føreseieleg turnus og god arbeidsplanlegging
• Moglegheit for langvakter for dei som ønskjer det
• Tilsetjing etter HTA/AML
• Gode pensjons-, ulykkes- og gruppelivsforsikringsordningar i KLP
• Gode arbeidstilhøve i moderne og tilrettelagte lokalar
• Dekning av flytteutgifter etter nærare reglar
• Moglegheit for sletting av 25 000 kr av studielån etter eitt år i jobb i Kvinnherad
• Ingen eigedomsskatt pr. i dag for hus, hytter og næring
• Gratis SFO og søskenmoderasjon i barnehage

Er dette noko for deg?

Vi ser etter sjukepleiarar med engasjement, fagleg styrke og godt humør – som trivst i eit miljø der det skjer mykje og samarbeidet står sterkt.

Velkommen til å sende søknad!