Helgestilling /ekstrahjelp /ringevikar i Heimetenester Rosendal/Ølve

Vi søkjer:

Vi har fleire ledige helgestillingar, både på Ølve og i Rosendal og omegn.

I tillegg har vi trong for ringevikarar som kan stille opp på kort varsel ved sjukdom/anna fråvær.

Det er mogleg med langvakter og det er avtale om at dei som jobbar 12,5 timers vakter og 11 helgar i året får kr. 11.000,- ekstra. Ein må då gå alle vaktene.

Elles er helgestillingane bortsett frå langvaktene arbeid kvar 2. eller 3. helg.

Omtale av stillinga

Litt usikker på kva du vil her i livet? Kom til oss og test ut arbeid innan helse. Heimetenesta har eit kjekt og pulserande miljø, med ei god blanding av menn og damer på arbeid.

Vi er oppteken av å trygge våre tilsette, og det er rom for å feila og rom for å læra. Om du kjenner deg usikker på å søkja, så send søknad, så kan vi ta ein prat, så kan vi i lag finne ut om dette kan vera noko for deg. 

Kanskje skal du ha eit friår? Hos oss kan du få nyttig erfaring samt legge deg opp litt kapital.

Søkjarar med helsefagleg utdanning vil verte prioritert i dei faste stillingane. Det er ein føremon med helsefagleg erfaring, men opplæring vil bli gitt.

Vi oppmodar menn til å søkja.

Er du under utdanning som vernepleiar, sjukepleiar, lærar eller anna helsefagleg utdanning, kan du og får moglegheit til å bli tilsett med ei stipendordning. 

 Kvalifikasjonar

• Gjerne helsefagleg erfaring, men opplæring vil bli gitt.
• Førarkort klasse B.

 Personlege eigenskapar

• Nysgjerrig og vilje til å læra
• Ikkje redd for å arbeide aleine
• Omsorgsperson

 Vi tilbyr

• Pengar på konto kvar månad, ekstra om du er under helsefagleg høgskuleutdanning. 
• Tilsetjing skjer etter gjeldande vilkår for kommunale arbeidstakarar i samsvar med HTA og AML.
• Pensjonsordning, ulykkes- og gruppelivsforsikring gjennom KLP.
• Gode arbeidstilhøve i eit godt arbeidsmiljø.