Frisklivskoordinator

Omtale av stillinga

Brenn du for førebygging og helsefremjing? Likar du å vere i aktivitet og kan motivere andre til å vere det same? Kunne du ha trivst med å ha naturen som arbeidsplass samtidig som du skaper meistring, glede og livskvalitet? Då har du sjansen!

Vår frisklivskoordinator skal nemleg ut i 1 års permisjon og me søkjer etter ein vikar som kan oppretthalde tilbodet i Frisklivssentralen i hennar fråvere.

Stillinga er plassert i sektor Omsorg, helse og sosial i eining for Aktivitet og rehabilitering. Eininga har ansvar mellom anna for Ergo- og fysioterapiavdelinga, Vurdering- og koordineringsavdelinga, Frisklivssentral, Aktiv Fritid og dagtilbod.

Oppmøtestad er Husnes og Rosendal. Planlagd oppstart etter avtale i løpet av mai 2026 med varigheit om lag 1 år.

Arbeidsoppgåver

- Individuelle helsesamtalar

- Rettleiing med omsyn til livsstilsendring

- Fysisk aktivitet i grupper

- Planlegging og gjennomføring av lærings- og meistringskurs

- Samarbeid internt i eininga, på tvers i organisasjonen og med eksterne vil vere påkrevd

Kvalifikasjonar

- 3 årig helse eller sosialfagleg høgskule/universitet. Fysisk aktivitet og helserådgjevar, fysioterapeut og andre utdanningsretningar innan fagfeltet kan vere relevant.

- Kompetanse på endringsfokusert rådgjeving

- Kompetanse på fysisk aktivitet for grupper med fysiske og psykiske utfordringar

- Kompetanse innan ernæring

- Aktuelle kursleiar utdanningar som Bra mat og Søvnkurs vil vere eit føremon

- God evne til å arbeide sjølvstendig, men og i samarbeid med andre

- God formidlingsevne og kommunikasjonsferdigheiter

-  Noko av arbeidet er av ein karakter som gjer at ein må vera i normal fysisk form slik som leiing av gruppetreningsaktivitetar og liknande

- Førarkort kl B.

Då stillinga er eit vikariat vil søkjarar med relevant erfaring som raskt vil kunne ta over og drifte tilbodet verta føretrukne.

Personlege eigenskaper

Personlege eigenskapar vil verta vektlagt ved tilsetjing. Mellom anna er det viktig å vere positiv og initiativrik med evne og vilje til å sjå ressursar og utviklingspotensiale hjå den enkelte. Ein må vere ein relasjonsbyggjar som er imøtekommande og fleksibel i møter med andre.