Vernepleiar/sjukepleiar - Nattevakt 80% fast

Vernepleiar / sjukepleiar – nattevakt 80 % fast

Nattevaktene sør søkjer ny kollega

Trivst du med å arbeide om natta og ønskjer å bidra til tryggleik og gode tenester for pasientane våre? Nattevaktene sør i Kvinnherad kommune søkjer no ein ny kollega til teamet vårt.

På natt gir vi tenester til fleire einingar og brukargrupper. Det gjer at vi har ein variert arbeidskvardag og utviklar brei fagleg kompetanse. Nattevaktene samarbeider tett og er kjende for å vere løysingsorienterte og gode på samarbeid.

Hos oss blir du ein del av eit inkluderande fagmiljø der vi støttar kvarandre og arbeider saman for å gi trygge og gode tenester gjennom natta.

Arbeidsoppgåver

• Fagleg oppfølging av pasientar og brukarar
• Bidra til tryggleik og kvalitet i tenestene gjennom natta
• Samarbeid med kollegaer og andre faggrupper
• Dokumentasjon og oppfølging av tiltak
• Handtering av akutte og uforutsette situasjonar

Kvalifikasjonar

• Autorisasjon som vernepleiar eller sjukepleiar

Dersom det ikkje melder seg kvalifiserte søkjarar, kan anna relevant helsekompetanse bli vurdert.

Personlege eigenskapar

Vi ser etter deg som:

• er fagleg trygg og kan arbeide sjølvstendig
• har gode samarbeidsevner
• er løysingsorientert
• bidreg til eit godt arbeidsmiljø
• møter pasientar og pårørande med respekt og omsorg

Personlege eigenskapar vil bli vektlagde.

Vi tilbyr

• 80 % fast stilling på natt
• Opplæring og støtte frå erfarne kollegaer
• Eit godt fagmiljø med fokus på samarbeid og utvikling
• Gode arbeidstilhøve
• Løn etter gjeldande avtaleverk

Gode ordningar i Kvinnherad kommune

• Pensjonsordning, ulykkes- og gruppelivsforsikring gjennom KLP
• Etter eitt år i jobb kan du få sletta 25 000 kroner av studielånet
• Gratis SFO
• Søskenmoderasjon i barnehage
• Per i dag ingen eigedomsskatt på hus, hytter og næring

Praktisk informasjon

Tilsetjing snarast.

Tilsetjing skjer etter gjeldande vilkår for kommunale arbeidstakarar i samsvar med HTA og AML.

Gyldig politiattest må leggast fram der det er påkravd.

Vil du bli vår nye kollega?
Send oss ein søknad – vi gler oss til å høyre frå deg.