Ingeniør innan kart, oppmåling, geodata og GIS 100% fast

Omtale av stillinga

Avdeling byggesak og geodata har oppgåver med mellom anna kart og oppmåling.

Vi søkjer høgskuleutdanna ingeniør innan kart, geodata og GIS, gjerne autorisert eigedomslandmålar. Særleg kvalifiserte søkjarar med anna utdanning og lang røynsle vil også verta vurderte.

Gjennomført matrikkelkurs hos Statens kartverk vil vera ein fordel, samt GIS kompetanse og interesse for digitale kart- og analyseløysingar.

Arbeidsoppgåver vil i utgangspunktet vera knytt til gjennomføring av oppmålingsforretningar, men andre relevante arbeidsoppgåver innan kart- og arealforvaltning vil også vera aktuelt.

Stillinga er fast 100 % . Oppstart så snart som mogleg.

Hovudarbeidsoppgåver for stillinga

- Sakshandsaming etter matrikkellova, seksjoneringslova, tinglysingslova, plan- og bygningslova, med meir

- Sakshandsaming av delingssaker, arealoverføringar mm

- Oppmålingsforretningar etter matrikkellova og føring i matrikkelen

- GIS- oppgåver knytt til avdelinga

- Ajourhald av kommunen sine SFKB-data

- Rettleiing til publikum og utbyggingsfirma

Våre forventningar til søkjar

- Utdanning på høgskulenivå innan oppmåling, geodata og GIS.

- Autorisasjon som landmålar er ei føremon

- Gode kunnskapar innan tingsrett

- God datakunnskap og erfaring med Norkart sine ulike kartprogram, eller tilsvarande

- Kjennskap til relevant regelverk

- Relevant arbeidserfaring

 - Er samarbeidsvillig, fleksibel og kommuniserer godt

- Arbeider effektivt, sjølvstendig, målretta og strukturert

- Har god skriftleg og munnleg framstillingsevne

Relevant arbeidserfaring kan kompensera for manglande kompetanse, på same måte som at relevant utdanning og teknisk kunnskap kan kompensera for manglande arbeidserfaring.

Søkjar må ha førarkort for bil.

Det er og ynskjeleg med kunnskap og ferdigheiter innan bruk og utvikling av digitale verktøy.

Vi vil leggje stor vekt på personlege eigenskapar ved tilsetjing. Dette fordi det er mykje kundekontakt.

Vi tilbyr

- Tilsetjing skjer etter gjeldande vilkår for kommunale arbeidstakarar i samsvar med HTA og AML

- Pensjonsordning, ulykkes- og gruppelivsforsikring gjennom KLP

- Gode arbeidstilhøve i eit godt arbeidsmiljø

- Dekning av flytteutgifter etter nærare reglar

- Ingen eigedomsskatt pr idag for hus, hytter og næring

- Gratis SFO og søskenmoderasjon i barnehagen

- Bur du i Kvinnherad og er i jobb, kan du etter eitt år få sletta 25 000 kroner av studielånet.