Konsulent 80 % fast

Kvinnherad kommune søkjer ein strukturert og sjølvstendig medarbeidar som kan bidra til at leiarane våre får ein enklare og meir effektiv arbeidskvardag. Du vil få ansvar for oppgåver som krev god oversikt, presisjon og evne til å handtera fleire parallelle prosessar. 

 For å lukkast i rolla må du kunna identifisera behov og foreslå forbetringar i måtar å jobba på. Du må ha ei digital tilnærming til arbeidsoppgåvene og vera komfortabel med å ta i bruk nye verktøy og løysingar. 

 Stillinga inneber kontakt med mange ulike personar både internt i eining og avdelingane personal og løn, økonomi og informasjon/ dokumentsenter, og du bør trivast i ei rolle der du er eit naturleg bindeledd i organisasjonen.  

 Arbeidsoppgåver 

Støtta leiinga i bruk og oppfølging av administrative system 

Arbeid i ulike digitale program innan post, økonomi, løn og innkjøp. 

Varierte administrative oppgåver som bidreg til god flyt i organisasjonen 

Kvalifikasjonar 

Fagbrev innan kontorfag eller annan relevant utdanning på vidaregåande nivå 

Relevant erfaring innan administrativt arbeid er ynskjeleg 

Gode digitale ferdigheter og interesse for nye verktøy 

Gode kommunikasjonsevner, både skriftleg og munnleg  

Det er ynskjeleg med førarkort klasse B 

Personlege eigenskaper 

Målretta, strukturert og sjølvstendig 

Open og ærleg i kommunikasjon med andre 

Personlege eigenskapar vil verta vektlagde  

Vi tilbyr

• Tilsetjing etter gjeldande kommunale vilkår (HTA og AML)

• Pensjonsordning, ulykkes- og gruppelivsforsikring i KLP

• Gode arbeidsvilkår i eit triveleg og støttande arbeidsmiljø

• Dekning av flytteutgifter etter avtale

• Bur du i Kvinnherad og er i jobb? Etter eitt år kan du få sletta 25 000 kroner av studielånet

• Ingen eigedomsskatt for hus, hytter eller næring

• Gratis SFO og søskenmoderasjon i barnehage

• Ein region med mykje å by på – sjå Sunnhordlandslivet

Gyldig politiattest må framleggjast der det er påkrevd.